Pucin nie ličyć siabie vinavatym u hibieli ŭkraincaŭ i rasijan
Karespandent NBC zadaŭ padčas pramoj linii Uładzimiru Pucinu pytańnie pra adnosiny z Donaldam Trampam i jaho mirny płan, jaki praduhledžvaje značnyja kampramisy z boku Ukrainy.
Fota: Sefa Karacan/Anadolu via Getty Images
«Ale vy praciahvajecie havaryć pra vajnu», — dadaŭ žurnalist, spytaŭšy, ci budzie Pucin adčuvać adkaznaść za śmierć ukraincaŭ i rasijan u nastupnym, 2026 hodzie.
«My nie ličym siabie adkaznymi za hibiel ludziej, bo nie my pačali vajnu», — adkazaŭ Pucin i znoŭ zahavaryŭ pra «antykanstytucyjny pieravarot» va Ukrainie ŭ 2014 hodzie.
Jon znoŭ nastojvaje na svajoj viersii, što ŭ lutym 2022 hoda ŭ Kramli «byli vymušanyja vykarystać uzbrojenyja siły dla zaviaršeńnia toj vajny», nibyta raspačataj Kijevam pry padtrymcy Zachadu.
Čytajcie taksama:
Pucin: Rasija nastupaje pa ŭsich napramkach, a praciŭnik adychodzić
Pucin prakamientavaŭ videa Zialenskaha z Kupianska, jaki rasiejcy abvieścili akupavanym