Što zdaryłasia ź Mikitam Miełkazioravym, jaki raptoŭna pamior nočču?

Papularnamu jutub-błohieru było 37 hadoŭ.

Błohiera Mikity Miełkaziorava nie stała ŭ noč na 21 śniežnia.

Jak piša Reform.news, učora ŭviečary Mikitu stała drenna. Jon adlažaŭsia, adčuŭ siabie lepš praź niekatory čas. Zatym ustaŭ, pajšoŭ i straciŭ prytomnaść. Spyniłasia serca. Pryčyna śmierci budzie viadomaja paśla anatamavańnia.

Dla blizkich Mikity adkryli zbor.

Mikita viadomy jak viadučy jutub-kanała «Žyćcio-malina», dzie vychodzili intervju ź biełaruskimi palitykami i sielebryci. Na kanale 97 tysiač padpisčykaŭ. Mikita taksama vioŭ histaryčny padkast «Zahlanie sonca», padkast z Sašam Ivulinym «Niešta budzie», dzie jany abmiarkoŭvali žyćciovyja rečy. 

@nashaniva «Zahlanie sonca i ŭ naša vakonca» Pahladzicie da kanca natchnialny adkaz samaho Mikity Miełkaziorava na jaho firmovaje pytańnie, jakoje žurnalist daŭ u studzieni 2023 pad čas vialikaj razmovy na kanale TOK z Nastaj Roŭdaj #žizńmalina #našaniva #biełaruskityktok #biełaruskiciktok #miełkozierov ♬ i was only temporary (Slowed + Reverb) - my head is empty

Raniej jon pracavaŭ žurnalistam na «Anłajniery» i «Trybunie».

Mikita byŭ žanaty z madellu Linaj Capavaj.

Kamientary da artykuła