«Afihienna razdražniaje!» Jeŭrazijca Dziermanta bolš nie radujuć pajezdki ŭ Rasiju

U prahramie Ryhora Azaronka viadomy svaimi vypiestavanymi ŭ apošniaje dziesiacihodździe jeŭrazijskimi pohladami Alaksiej Dziermant panarakaŭ na prablemy apošniaha času ŭ dačynieńniach pamiž Biełaruśsiu i Rasijaj. Pajezdki ŭ duchoŭny centr jeŭrazijstva ad niadaŭniaha času bolš jamu nie prynosiać duchoŭnaha i fizičnaha kamfortu, i na heta jość kankretnaja pryčyna.

Alaksiej Dziermant. Skrynšot ź videa

«Ja voś skažu asabista. Abažaju Rasiju, lublu tudy jeździć. Ale ciapier z roŭminham prosta treš.

Pryjazdžaješ — biełaruski roŭminh sutki błakiroŭka. Kab sim-kartu zarehistravać — heta niejkija koły piekła treba prajści, hetaha ličbavaha piekła, kab tam biełarusu zarehistravacca ŭ ŚNIŁS, «Hosusłuhach» i hetak dalej. Heta treba patracić sutki prykładna tolki na heta, na rehistracyju. Jość u ciabie niejkaja tam rasijskaja kartka pracoŭnaja — taksama błakiroŭka roŭminhu…

To-bok my pavinny nie na danosčykaŭ źviartać uvahu, a na toje, što realna ŭskładniaje žyćcio prostym ludziam, biełarusam kankretna i rasijanam. 

I voś hetaja prablema z suviaźziu — jana kankretnaja. Jana numar adzin», — horka narakaŭ Dziermant.

Azaronak ustaviŭ słova, što heta ŭsio razdražniaje, i Dziermant, jaki da taho sprabavaŭ zachoŭvać u svajoj krytycy źniešni spakoj, uspychnuŭ hnievam:

«Dy heta afihienna razdražniaje, kali ščyra! Źviazacca nielha, internetu niama, pazvanić nielha! U nas sajuznaja dziaržava? U mianie pytańnie: my zrabili dva kroki napierad u niečym — i try kroki nazad! Nu jak tak?»

Kamientary da artykuła