Novym hienprakuroram staŭ hebist Dźmitryj Hara. Raniej jon uznačalvaŭ Śledčy kamitet
Alaksandr Łukašenka znoŭ pieratasavaŭ siłavikoŭ.
Vakansija hienprakurora vyzvaliłasia paśla taho, jak Andrej Švied, jaki raniej uznačalvaŭ viedamstva, staŭ staršynioj Viarchoŭnaha suda.
Hara naradziŭsia ŭ 1970 hodzie ŭ Tbilisi.
Ź vieraśnia 1993 hoda słužyŭ u KDB Biełarusi. Z 2009 hoda ŭznačaliŭ śledčaje ŭpraŭleńnie KDB.
Sa śniežnia 2019 hoda — namieśnik hienieralnaha prakurora Biełarusi.
U 2021 hodzie pryznačany staršynioj Śledčaha kamiteta.
Jak kiraŭnik SK, Hara adkazvaje za palityčna matyvavanyja pracesy paśla pratestaŭ 2020 hoda. Pravaabaroncy i niezaležnyja miedyja źviazvajuć jaho ź sistemnym pieraśledam apanientaŭ režymu, kryminalnymi spravami suprać aktyvistaŭ, žurnalistaŭ i NDA.
Ź pieravodam Hary Śledčy kamitet addali 40‑hadovamu kadebešniku Kanstancinu Byčaku.