Tramp paraiŭ Nikałasu Maduru razumna syści
«Jon nie siabra Złučanych Štataŭ. Jon vielmi drenny chłopiec», — padkreśliŭ amierykanski lidar.
Fota: Pedro Mattey / Anadolu via Getty Images
Donald Tramp zajaviŭ, što dla prezidenta Vieniesueły Nikałasa Madury było b razumniej dobraachvotna pajści ŭ adstaŭku, piša Reuters.
Takim čynam prezident ZŠA adkazaŭ na pytańnie žurnalistaŭ, ci maje namier jon z dapamohaj cisku prymusić Maduru admovicca ad ułady.
«Nu, ja dumaju, što, mahčyma, tak i budzie… Heta zaležyć ad jaho, što jon choča rabić. Ja miarkuju, što ź jahonaha boku było b razumna pastupić tak (samastojna pajści). My heta vyśvietlim», — skazaŭ Tramp.
Pry hetym, kali Madura «budzie pavodzić siabie žorstka», heta budzie dla jaho astatni raz, dadaŭ kiraŭnik Biełaha doma. «Jon nie siabra Złučanych Štataŭ. Jon vielmi drenny chłopiec», — padkreśliŭ amierykanski lidar.
Razam z tym jon zajaviŭ, što ZŠA mohuć pakinuć sabie kanfiskavanuju z tankieraŭ la bierahoŭ Vieniesueły naftu. Jaje možna pradać abo vykarystać dla papaŭnieńnia stratehičnych reziervaŭ Złučanych Štataŭ, udakładniŭ Tramp.
Raniej prezident ZŠA kazaŭ, što dni Madury źličanyja.