U Vialikabrytanii zabaroniać varyć žyŭcom krabaŭ i łobstaraŭ
Brytanskija ŭłady pryznali sposab zaboju krabaŭ, łobstaraŭ i inšych rakapadobnych praz apuskańnie ich u kipień niedapuščalnym, bo jość dokazy, što hetyja bieschrybietnyja zdolnyja adčuvać bol, piša The Guardian.
Zdymak ilustracyjny. Fota: freepik.com
Padobnyja zabarony ŭžo dziejničajuć u Šviejcaryi, Narviehii i Novaj Ziełandyi. Abaroncy žyvioł miarkujuć, što bolš humanna pierad varkaj ahłušać rakapadobnych z dapamohaj elektryčnych pryboraŭ abo achałodžvać ich lodam.
Jašče ŭ 2022 hodzie ŭ Anhlii byŭ pryniaty zakon, jaki aficyjna pryznaŭ, što amary, kraby i vaśminohi mohuć adčuvać bol i pakuty. Sa słoŭ pradstaŭnikoŭ dabračynnych arhanizacyj, kali žyvych i prytomnych žyviolin apuskajuć u kipień, jany niekalki chvilin mocna pakutujuć, čaho možna całkam paźbiehnuć.
Akramia hetaha, u krainie rychtujuć i inšyja źmieny ŭ śfiery abarony žyvioł: płanujuć zabaranić raźviadzieńnie ščaniukoŭ na fiermach, abmierkavać abmiežavańnie vykarystańnia elektrašokavych ašyjnikaŭ dla sabak, a taksama ŭvieści novyja patrabavańni da humannaha zaboju ryby, jakuju vyroščvajuć u haspadarkach.
Čytajcie taksama:
Šviedski muzyka navučyŭ hrać na pijanina vaśminoha
U kramie zaŭvažyli biełaruskich rakaŭ amal za 90 rubloŭ. Čamu jany takija darahija?
U aeraporcie «Minsk» u rasijanina ŭ bahažy znajšli 120 kh žyvych łobstaraŭ
Ź Biełarusi ŭ Maskvu vieźli bolš za paŭtony vustryc i łobstaraŭ, schavanych u ofisnaj mebli