U Biełaruś nie dali zavieźci vialikuju partyju ikry

Raśsielhasnahlad nie dazvoliŭ uvieźci ŭ Biełaruś bujnuju partyju ikry i inšych morapraduktaŭ. Pra heta paviedamili ŭ pres-słužbie viedamstva.

Fota: 32.fsvps.gov.ru

Z kanca listapada da 22 śniežnia supracoŭniki Raśsielhasnahladu sumiesna sa Smalenskaj mytniaj pravieryli piać aŭtamabilaŭ, jakija pieravozili ikru i morapradukty ahulnaj vahoj bolš za 400 kiłahramaŭ. Usie mašyny raniej byli zatrymanyja pa darozie ŭ Biełaruś — jany sprabavali abjechać aficyjnyja vieterynarnyja kantrolnyja punkty.

Padčas pravierak vyśvietliłasia, što pieravozčyki, jakimi akazalisia hramadzianie Biełarusi, nie mieli abaviazkovych vieterynarnych dakumientaŭ. Hetyja papiery pavinny paćviardžać pachodžańnie pradukcyi, a taksama jaje jakaść i biaśpieku. Akramia taho, u elektronnaj sistemie «Mierkuryj» taksama nie było źviestak pra afarmleńnie adpaviednych dakumientaŭ.

Fota: 32.fsvps.gov.ru

U viedamstvie adznačyli, što pradukty transpartavalisia z parušeńniami sanitarnych normaŭ: u bahažnikach i hruzavych adsiekach aŭtamabilaŭ, nie prystasavanych dla pieravozki charčavańnia, biez zachavańnia nieabchodnaha tempieraturnaha režymu.

U vyniku bolš za 250 kiłahramaŭ ikry, a taksama midyi, piečań treski, raki i inšyja morapradukty byli viernutyja adpraŭnikam. Vinavatych u parušeńniach pryciahnuli da administracyjnaj adkaznaści.

Kamientary da artykuła