Žycharam homielskaha doma, jaki paciarpieŭ ad vybuchu hazu, dazvolili viarnucca dachaty
Žycharam pieršaha i druhoha padjezda šmatpaviarchovaha doma ŭ Homieli, jaki paciarpieŭ ad vybuchu, dazvolili viarnucca ŭ svaje kvatery. Taksama dadomu mohuć viartacca žychary šostaha padjezda susiedniaha doma.
Paškodžany dom na vulicy Kosarava, 3. Fota: MNS
Jak paviedamiŭ staršynia Homielskaha harvykankama Uładzimir Pryvałaŭ, zasialeńnie pavinny było pačacca ŭviečary 24 śniežnia z 18:30. Havorka idzie pra dom №3 na vulicy Kosarava i šosty padjezd doma №5 pa toj ža samaj vulicy.
Vybuch hazu adbyŭsia 17 śniežnia ŭ adnoj z kvater treciaha padjezda dziesiacipaviarchovaha doma. U vyniku abrynulisia pierakryćci pamiž siomym i vośmym pavierchami. 22 śniežnia padčas razboru zavałaŭ na šostym paviersie było znojdziena cieła zahinułaj žančyny.
Na čas demantažnych i avaryjnych rabot žycharoŭ pieršaha i druhoha padjezda paciarpiełaha doma, a taksama šostaha padjezda susiedniaha budynka časova adsialili.
Čytajcie taksama:
Stała viadoma, kali ŭ Homieli pačnuć demantaž častki doma, paciarpiełaha ad vybuchu hazu
U Homieli demantujuć vierchnija pavierchi 10‑paviarchovaha doma, jaki paciarpieŭ ad vybuchu
Dziaržaŭnyja miedyja nie kažuć pra achviar vybuchu ŭ Homieli, kab nie było niehatyvu ŭ dni UNS?
Źjaviłasia videa momantu vybuchu ŭ Homieli na vulicy Kosarava