Zialenski: 20‑punktny płan, nad jakim my pracavali, hatovy na 90%
Taksama Zialenski paćvierdziŭ, što sustreniecca z Trampam u Fłarydzie ŭ hetu niadzielu.
Donald Tramp i Uładzimir Zialenski ŭ Biełym domie 17 kastryčnika 2025 hoda. Fota: Juliana Luz / White House
«Naša zadača — rabić tak, kab usio było hatova na 100%. Heta nie prosta, i nichto nie kaža, što 100% adrazu budzie. Ale, tym nie mienš, my pavinny kožnaj takoj sustrečaj, kožnaj takoj razmovaj nabližać žadany vynik», — skazaŭ prezident Uładzimir Zialenski, adkazvajučy na pytańni ŚMI, piša RBK-Ukraina.
Jon adznačyŭ, što padrychtavany pieršyja čarnaviki niekalkich dakumientaŭ. Ale jość niekatoryja pytańni, jakija treba abmierkavać na ŭzroŭni lidaraŭ.
Taksama Zialenski paćvierdziŭ, što sustreniecca z Trampam u Fłarydzie ŭ hetu niadzielu.
«U nas šyrokaja sustreča, jana budzie na vychodnych, ja dumaju, što mienavita niadziela, Fłaryda — budzie naša sustreča z prezidentam Trampam. My budziem abmiarkoŭvać mienavita hetyja dakumienty, jak ja skazaŭ, harantyi biaśpieki, a tam niekalki dakumientaŭ u hetym błoku, i pažadana znajści mahčymaść abmierkavać usie. Dalej — ekanamičnaja damova, tam pakul što bazavyja napracoŭki, choć budzie niekalki damoŭ, i tut treba abmierkavać napramak», — skazaŭ prezident Ukrainy.
Čytajcie taksama:
Zialenski: Mirny płan mohuć vynieści na refierendum
Zialenski nazvaŭ 20 punktaŭ mirnaha płana, što abmiarkoŭvajucca z ZŠA