Ci zmoža piensijanierka atrymać spadčynu, kali sužyciel pamior, a aficyjnaha šlubu nie było? Šancy jość
Nie patrebnaje navat zaviaščańnie.
Ilustracyjnaje fota
«Ja piensijanierka. 23 hady žyła z mužčynam, jaki ciapier pamior. U šlubie my nie znachodzilisia. Ci maju ja prava na spadčynu paśla jaho śmierci, kali nie było składziena zaviaščańnie?», — spytała žycharka Rečycy Valancina ŭ miascovaha vydańnia «Dniaproviec».
«Da liku spadčyńnikaŭ pa zakonie adnosiacca hramadzianie, jakija da momantu adkryćcia spadčyny źjaŭlalisia niepracazdolnymi i nie mienš za adzin hod znachodzilisia na ŭtrymańni spadčynadaŭca i pražyvali sumiesna ź im. Takim čynam, pry zachavańni vyšejnazvanych umoŭ vy budziecie mieć prava na spadčynu paśla jaho śmierci»,
— patłumačyła advakatka Antanina Muzyčenka ź jurydyčnaj kansultacyi Rečyckaha rajona.
Tak što ŭ piensijanierki, jakaja pražyła z mužčynam bolš za hod, jość tyja ž pravy, što ŭ jaho svajakoŭ pieršaha kalena — dziaciej, bratoŭ, siaścior i aficyjnaj žonki.