Balet pra Marka Šahała pastaviać u Vialikim teatry
Płanujuć taksama pastanoŭku pra historyju Połacka.
Karcina Marka Šahała «Nad horadam»
U Vialikim teatry opiery i baleta ŭ 2026 hodzie pastaviać balet pra Marka Šahała.
Taksama mastackaja rada teatra abmiarkoŭvaje šmatžanravy opus — trya opiery, baleta i charavych scen. Hety prajekt budzie pryśviečany historyi Połacka i zaradžeńniu biełaruskaj dziaržaŭnaści. Pra heta raskazała na BT hienieralnaja dyrektarka Vialikaha teatra Kaciaryna Dułava.
Płanujuć pravodzić taksama viečary adnaaktavych baletaŭ: pastanoŭki buduć zasnavanyja na matyvach biełaruskich lehiend, kazak i bylin.
Nad hetymi prajektami buduć pracavać maładyja biełaruskija baletmajstry. Budzie vykarystoŭvacca biełaruskaja muzyka i sučasnaja chareahrafija ź inavacyjami, kab pryciahnuć moładź.