U Žodzinie vystavili na prodaž sapraŭdny ciepłavoz
Na placoŭcy pryvatnych abjaŭ Kufar źjaviłasia prapanova kupić manieŭrovy ciepłavoz, zaŭvažyła vydańnie Blizko.by.
Havorka idzie pra ciepłavoz madeli THM23B ź sieryjnym numaram 2765, jaki znachodzicca ŭ Žodzinie. U abjavie adznačajecca, što mašyna prajšła biahučy ramont i całkam hatovaja da ekspłuatacyi.
Na kabinie zachavałasia tablička, ź jakoj vynikaje, što ciepłavoz byŭ zamacavany za TAA «RBU №2» u vioscy Vuhły Barysaŭskaha rajona — bujnym bietonnym zavodam. Fota hetaha ciepłavoza možna ŭbačyć u adnym ź intervju z hienieralnym dyrektaram pradpryjemstva, dzie jon źniaty na razhruzačnaj estakadzie.
Košt techniki składaje 205 tysiač rubloŭ, što pa kursie Nacbanka adpaviadaje prykładna 70,4 tysiačy dalaraŭ ZŠA.
Padobnuju techniku i raniej nieadnarazova pradavali ŭ Biełarusi z aŭkcyjonaŭ.
Čytajcie taksama:
U Viciebsku z aŭkcyjona možna nabyć sapraŭdny ciepłavoz
Biełaruskaja čyhunka viartaje pasažyrskija ciahniki na raniej zakryty 30‑kiłamietrovy ŭčastak