U Minsku dabudoŭvajuć sučasny dziciačy sadok z basiejnam
Dziciačy sadok na 230 miescaŭ znachodzicca ŭ miežach vulic Vaŭpšasava — Klučavaja — Tajožnaja.
«Minskbud» pakazaŭ, jak vyhladaje novy dziciačy sadok na 230 miescaŭ. Budynak užo całkam hatovy zvonku: zavieršany fasady, dobraŭparadkavana terytoryja, ustalavany cieniavyja naviesy i hulniavyja placoŭki.
Zaraz asnoŭnyja siły budaŭnikoŭ zasiarodžany na ŭnutranym azdableńni. U niekatorych hrupach na trecim paviersie ŭžo pakłali štučny dubovy parkiet i pafarbavali ścieny.
Asablivaja ŭvaha nadadziena basiejnu — jaho čaša paśpiachova prajšła vyprabavańni na hiermietyčnaść i rychtujecca da ablicoŭvańnia plitkaj. Taksama ŭ budynku mantujuć padviasnyja stoli i aharodžy na leśvicach.
U prajekcie praduhledžany muzyčnaja i ŭniviersalnaja zały, kampjutarny hulniavy pakoj, a taksama inšyja śpiecyjalnyja pamiaškańni dla tvorčaści i hurtkoŭ.
Uvod abjekta ŭ ekspłuatacyju zapłanavany na 2026 hod.