Milicyjanier, jaki składaŭ palityčnyja pratakoły, spravakavaŭ avaryju ŭ Šarkaŭščynskim rajonie

28 śniežnia DAI Viciebskaj vobłaści paviedamiła pra DTZ u Šarkaŭščynskim rajonie. Avaryja adbyłasia dniom na 25‑m kiłamietry aŭtadarohi N-3000 «Dzisna — Šarkaŭščyna». Telehram-kanał «Vitiebsk, ja hulaju!» daviedaŭsia, chto staŭ jaje ŭdzielnikam.

Kiroŭca 1987 hoda naradžeńnia, kirujučy aŭtamabilem Geely, nie spraviŭsia z kiravańniem i vyjechaŭ na pałasu sustrečnaha ruchu, dzie ździejśniŭ sutyknieńnie z aŭtamabilem Nissan, jaki ruchaŭsia ŭ sustrečnym kirunku, pad kiravańniem 25‑hadovaha kiroŭcy. Abodva kiroŭcy byli traŭmavanyja.

Akazałasia, što vinavatym kiroŭcam byŭ supracoŭnik milicyi — učastkovy, jaki siarod inšaha adznačyŭsia ŭ rajonie składańniem palityčnych «administratyvak». U jaho pierałamanyja nohi.

Z dapamohaj bota «Kibierpartyzan» telehram-kanał zmoh ustanavić, što DTZ spravakavaŭ učastkovy inśpiektar milicyi Michaił Andrejeŭ. Na fota jahonaja biełaja «Geely» lažyć u kiuviecie.

Kamientary da artykuła