Ukrainskija drony atakavali NPZ i port Tuapse
Bieśpiłotniki ŭdaryli pa prymorskim horadzie Tuapse na poŭdni Rasii ŭ noč na sieradu, 31 śniežnia. Paciarpieli dva čałavieki.
Paškodžany žyłyja damy, pryčał u porcie i naftapierapracoŭčy zavod, paviedamiŭ apierštab Krasnadarskaha kraju.
Pavodle jaho danych, na NPZ kampanii «Rasnafta» ŭ vyniku ataki pačaŭsia pažar, jaki apieratyŭna patušyli. Paškodžany čatyry šmatkvaternyja i adzin pryvatny žyły dom, a taksama hazavaja truba ŭ žyłym siektary.
Rasijski Telegram-kanał Astra i ŭkrainski Exilenova+ apublikavali fota mahutnaha pažaru na NPZ. Na ich vidać, što słup połymia šuhaje na niekalki mietraŭ. Pavodle źviestak Telegram-kanała Shot, u niebie nad horadam było čuvać 15—20 vybuchaŭ.
Z pačatku vajny Ukraina nie mienš jak vosiem razoŭ atakavała Tuapsinski NPZ i ekspartny terminał «Rasnafty» ŭ horadzie. Apošni raz — u listapadzie 2025 hoda. U šerahu vypadkaŭ pradpryjemstva časova spyniała pracu.