U Biełaviežskaj puščy znajšli novy hryb
Novym vidam akazałasia ksilaryja nitkavaja — niešta padobnaje na prutki i halinki dreŭ.
Ksilaryja nitkavaja viadomaja svaim tonkim pładovym ciełam, žyvie na miortvaj draŭninie i apałych liścinach.
Jak paviedamlajecca na aficyjnym sajcie nacyjanalnaha parku, hety saprafitny hryb adyhryvaje važnuju rolu ŭ razłažeńni draŭniny i liścia.
U Biełaviežskaj puščy možna sustreć piać vidaŭ hetych hryboŭ. Najbolš niezvyčajnyja i efiektnyja viadomyja pad nazvami «alenievyja rohi» i «palcy mierćviaka».