Rasijski kambat pasvaryŭsia z načalnikam i prapaŭ nazaŭsiody. Toj urešcie pryznaŭsia ŭ zabojstvie — ale paśla rasstralali i jaho
Asablivaści ŭzajemaadnosinaŭ u rasijskim vojsku raskazvajuć Z-błohiery.
Adna z asob na fota — zabity svaimi Juryj «Sivy» Burakoŭ
Kamandzir 2 strałkovaha bataljona 95 pałka Juryj «Sivy» Burakoŭ źnik 28 lipienia 2025 hoda, paśpieŭšy paviedamić žoncy, što jaho vyklikaŭ da siabie kamandzir 95 pałka 5 bryhady 51 armii Dźmitryj «Staryna» Ivankievič.
Paśla hetaha Sivoha nichto nie bačyŭ. Žonka i siabry stali šukać jaho, ale kamandzir, toj samy Staryna, skazaŭ, što Sivy samavolna pakinuŭ čaść. U vyniku da spravy padklučyłasia Vajennaja prakuratura Rasii, piša Z-błohier Piotr Łundstrem.
Što vyśvietliłasia?
11 žniŭnia 2025 Staryna pryjšoŭ z pakajańniem i pryznaŭsia, što zabiŭ Sivoha. Jon pakazaŭ miesca pachavańnia, ale ŭdakładniŭ, što paśla rezanansu taho ŭžo paśpieli i pierapachavać.
U vieraśni na kamandzira pałka ŭsio ž zaviali kryminalnuju spravu — praź miesiac paśla pryznańnia ŭ zabojstvie! — ale vyrašyli nie zatrymlivać.
Adnak u listapadzie Staryna byŭ znojdzieny z čatyrma kulavymi ranieńniami — dvuma ŭ hałavu, dvuma ŭ serca.
Chto vyrašyŭ jamu adpomścić, nieviadoma.
«Staryna zabity, ale ŭsio jašče nie pryciahnuty da adkaznaści dvoje inšych mierkavanych saŭdzielnikaŭ zabojstva, jakija dapamahali jamu schavać złačynstva», — narakaje Z-błohier Piotr Łundstrem.