U centry Kijeva źjavicca vulica zabitaha Andreja Parubija
Jana budzie znachodzicca kala Viarchoŭnaj rady i Maryinskaha pałaca, cyrymanijalnaj rezidencyi prezidenta Ukrainy.
Andrej Parubij
U centry Kijeva źjavicca vulica ŭ honar byłoha śpikiera Viarchoŭnaj rady Ukrainy Andreja Parubija, zastrelenaha ŭ Lvovie ŭ žniŭni 2025 hoda. Rašeńnie pryniata paśla apytańnia na partale «Kijeŭ Ličbavy», inicyjatyvu padtrymali 57% udzielnikaŭ hałasavańnia.
Havorka idzie pra biezymiennuju vulicu pamiž Maryinskim parkam i domam № 9 na vulicy Michaiła Hrušeŭskaha.
Pobač znachodziacca Viarchoŭnaja rada i Maryinski pałac.
Parubij — aktyŭny ŭdzielnik «aranžavaj revalucyi» 2004 hoda i Jeŭramajdana 2013—2014 hadoŭ. U 2014 hodzie byŭ sakratarom Savieta nacyjanalnaj biaśpieki i abarony Ukrainy, a z 2016 da 2019 hoda — staršynioj Viarchoŭnaj rady. Hieroj Ukrainy (paśmiarotna).