Ekśpierty dali prahnoz kursu dalara na 2026 hod
Miarkujecca, što biełaruski rubiel istotna asłabnie.
Ekśpierty Jeŭrazijskaha banka raźvićcia (JEABR) dali prahnoz kursu dalara dla Biełarusi, a taksama dla inšych dziaržaŭ, jakija ŭvachodziać u skład banka.
Tak, u 2026 hodzie siaredniehadavy kurs biełaruskaha rubla da dalara prahnazujecca na ŭzroŭni kala 3,32 rubla. Na 1 studzienia dalar kaštuje 2,9027 rubla. Heta značyć, što na praciahu hoda prahnazujecca istotnaje asłableńnie biełaruskaha rubla — na 14,5%.
«Deficyt źniešniaha handlu praciahnie pašyracca, padvyšajučy popyt na zamiežnuju valutu. Bolš vysokija tempy inflacyi ŭ Biełarusi ŭ paraŭnańni z krainami-partniorami buduć stvarać umovy dla pasłableńnia biełaruskaha rubla — heta dazvolić padtrymać cenavuju kankurentazdolnaść nacyjanalnych vytvorcaŭ», — tłumačać u JEABR.