U Salečnikach zatrymali biełarusa z cyharetami na 217 tysiač jeŭra
Mužčyna sprabavaŭ uvieźci ŭ Litvu bolš amal 42 tysiačy pačak.
24 śniežnia na darožnym poście ŭ Salečnikach zatrymali hramadzianina Biełarusi. Pry pierasiačeńni hranicy jon zajaviŭ, što nie viazie ničoha zabaronienaha i jedzie na pracu.
Adnak kali mytniki pravieryli mašynu z dapamohaj sistemy renthienu, u stoli, padłozie i ścienach aŭtamabila była znojdzienaja kantrabanda, piša LRT.
Usiaho ŭ mikraaŭtobusie znajšli 41 900 pačak vyrablenych u Biełarusi cyharet «NZ Gold», košt jakich składaje bolš za 217 tysiač jeŭra.
Aŭtamabil i nielehalnyja tytuniovyja vyraby byli zatrymanyja, raspačata dasudovaje rasśledavańnie pavodle faktu kantrabandy. Kiroŭcu pryznačyli mieru strymańnia — kanfiskacyju dakumientaŭ i padpisku ab niavyjeździe.