Pieršaje fota Madura paśla zatrymańnia
Zdymak zrobleny ŭžo na borcie karabla ZŠA, kudy Madura z žonkaj dastavili viertalotam ź Vieniesueły.
Donald Tramp apublikavaŭ u svajoj sacsietcy Truth Social pieršaje fota Nikałasa Madura paśla zatrymańnia.
Na zdymku były prezident Vieniesueły na borcie desantnaha viertalotanosca USS Iwo Jima. Na vačach ciomnaja paviazka ci akulary, nadzietyja navušniki, ruki ŭ kajdankach. Sam Madura ŭ spartovym kaściumie i nadzimanaj vyratavalnaj kamizelcy.
Madura dastaviać na vajskovuju bazu ŭ Huantanama. I tolki paśla ŭ Ńju-Jork, paviedamlajuć ABC News.
ZŠA zachapili Maduru ź jaho žonkaj i vyvieźli ich ź Vieniesueły. Jany ciapier na šlachu ŭ ZŠA. Paru dastali prosta sa spalni ich rezidencyi. Ich źbirajucca sudzić u ZŠA.
63‑hadovy Nikałas Madura ŭznačalvaŭ Vieniesuełu z 2013 hoda. Zachad nie pryznavaŭ vyniki vybaraŭ, zhodna ź jakimi jon pieraabiraŭsia na novyja terminy.
Čytajcie taksama:
U ZŠA źbirajucca sudzić nie tolki Madura z žonkaj, ale i ich syna