Ajatała Ali Chamienei płanuje ŭciačy ź Irana ŭ Maskvu ŭ vypadku fors-mažoru
Zhodna z dakładam raźviedki, jaki trapiŭ u rasparadžeńnie haziety The Times, u iranskaha ajatały Ali Chamienei jość zapasny płan: jon moža pakinuć krainu, kali siły biaśpieki nie zdolejuć padavić pratesty ŭ Iranie abo pačnuć dezierciravać.
86‑hadovy Chamienei płanuje ŭciačy z Tehierana ŭ supravadžeńni bližejšaha atačeńnia, jakoje składajecca z 20 pamočnikaŭ i členaŭ siamji, paviedamlaje vydańnie.
«Płan B» pryznačany dla Chamienei i jaho najbližejšaha koła, u tym liku dla jaho syna i mierkavanaha spadkajemcy», — paviedamiła krynica ŭ raźviedcy haziecie The Times.
Adna z krynic zajaviła The Times, što Chamienei płanuje biehčy ŭ Maskvu, bo «dla jaho niama inšaha miesca».
«Jany raspracavali płan uciokaŭ z Tehierana na vypadak, kali im daviadziecca ratavacca», jaki praduhledžvaje «akumulavańnie aktyvaŭ, nieruchomaści za miažoj i najaŭnych hrošaj dla zabieśpiačeńnia biaśpiečnaha adjezdu», — paviedamiła krynica.
Apošnija dva tydni ŭ Iranie praciahvajucca pratesty, vyklikanyja ekanamičnymi ciažkaściami. Pratestoŭcy abvinavačvajuć siły pa baraćbie ź biesparadkami va ŭžyvańni hvałtoŭnych mietadaŭ, u tym liku stralby, ślezaciečnaha hazu i vadamiotaŭ, dla padaŭleńnia demanstracyj.