Łukašenka: My nie možam usio prapisać u zakonach
Alaksandr Łukašenka siońnia braŭ udzieł u cyrymonii pryniasieńnia prysiahi sudździami Kanstytucyjnaha i Viarchoŭnaha sudoŭ, piša BiełTA.
Fota: Ramil Sitdikov Pool Photo via AP
«Ja prysiahnuŭ sam sabie, što, nakolki buduć maje mahčymaści i zdolnaści, ja budu rabić usio, kab u hramadstvie była spraviadlivaść. Pamiatajecie, ja havaryŭ (i vy, jak jurysty, mianie zrazumiejecie), što my nie možam usio prapisać u zakonach. Ale duch, padmurak i asnova ŭ nas adny — spraviadlivaść. I heta ŭ pieršuju čarhu datyčycca vas. Budźcie spraviadlivymi da našych ludziej, da našaha naroda», — skazaŭ jon.