U Polščy zatrymali biełarusa z padsankcyjnaj nadzimanaj łodkaj
Biełarus sprabavaŭ uvieźci ŭ Polšču nadzimanuju łodku, ale na miažy vyśvietliłasia, što taki tavar zabaronieny dla ŭvozu ŭ Jeŭrapiejski sajuz. Pra heta paviedamiła Lublinskaje ŭpraŭleńnie mytna-padatkovaj słužby ŭ Biała-Padlascy.
Fota: lubelskie.kas.gov.pl
Mužčyna pierasiakaŭ miažu praz punkt propusku «Terespal». Padčas pravierki polskija pamiežniki vyjavili łodku ŭ jahonym aŭtamabili. Pakolki jana adnosicca da padsankcyjnych tavaraŭ, jaje ŭvoz u ES zabaronieny.
U dačynieńni da hramadzianina Biełarusi raspačnuć spravu ab kantrabandzie. Infarmacyja pra parušeńnie sankcyj taksama była pieradadziena ŭ prakuraturu.
Nadzimanuju łodku kanfiskavali jak rečavy dokaz. Jaje košt aceńvajecca prykładna ŭ 12,5 tysiačy złotych, što składaje kala 3,5 tysiačy dołaraŭ ZŠA.
Čytajcie taksama:
U Salečnikach zatrymali biełarusa z cyharetami na 217 tysiač jeŭra
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
U Polšču znoŭ zalacieli mieteazondy ź biełaruskimi cyharetami