ZŠA nanieśli ŭdary pa IDIŁ u Siryi
ZŠA i sajuznyja siły 10 studzienia nanieśli ŭ Siryi ŭdary pa «Isłamskaj dziaržavie» (IDIŁ). Heta častka apieracyi «Udar sakalinaha voka» (Hawkeye Strike), paviedamiła Centralnaje kamandavańnie Uzbrojenych Sił ZŠA.
Fota: U.S. Central Command / X
Ministr vajny ZŠA Pit Chiehsiet napisaŭ u X: «My nikoli nie zabudziem i nikoli nie adstupim».
CBS News sa spasyłkaj na čynoŭnika paviedamlaje, što ZŠA sumiesna z sajuźnikami ŭžyli bolš za 90 vysokadakładnych bojeprypasaŭ pa bolš čym 35 celach. U apieracyi było zadziejničana bolš za 20 samalotaŭ.
Apieracyja «Udar sakalinaha voka» pačałasia 19 śniežnia 2025 hoda. Padstavaj stała ataka terarystaŭ IDIŁ 13 śniežnia ŭ horadzie Palmira, u vyniku jakoj zahinuli dvoje amierykanskich sałdat i adzin pierakładčyk. Jašče troje sałdat atrymali ranieńni.
U ramkach apieracyi płanavałasia źniščyć bajevikoŭ i składy ŭzbrajeńniaŭ IDIŁ.