Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach
Los jaje muža Siarhieja Sandaluka nieviadomy, ich sudzili razam.
Siarhiej Sandaluk sprava. Fota: UUS Hrodzienskaha abłvykankama
Siarhiej Sandaluk — były namieśnik načalnika Departamienta vykanańnia pakarańniaŭ MUS. Hetu pasadu jon zajmaŭ u 2013‑2018 hady. Pad kiraŭnictvam hetaha viedamstva znachodziacca ŭsie biełaruskija SIZA, kałonii, turmy.
Razam z žonkaj Anžełaj ich sudzili ŭ žniŭni 2024 hoda pa «narodnym» artykule 342 (častka 1) Kryminalnaha kodeksa — zvyčajna pa im sudziać za ŭdzieł u pratestach.
U listapadzie 2024 hoda ich sudzili znoŭ — niezrazumieła, ci heta byŭ sud za inšy marš, ci paśla apielacyi papiaredniuju spravu adpravili na paŭtorny razhlad.
Staŭ viadomy prysud Anžele Sandaluk, vyniesieny ŭ listapadzie 2024-ha. Pa infarmacyi Dissidentby, žančynie dali dva hady pazbaŭleńnia voli. Mahčyma, jana ŭžo adsiedzieła ŭvieś termin i vyjšła (nieviadoma, kolki času žančyna była ŭ SIZA).
Prysud jaje muža nieviadomy.