Biełarus try hady ŭvoziŭ mašyny z-za miažy pa padroblenych dakumientach
Na mytni zaviali kryminalnuju spravu suprać hramadzianina Biełarusi, jaki arhanizavaŭ złačynnuju schiemu ŭvozu 13‑ci lehkavych aŭtamabilaŭ na terytoryju JEAES biez vypłaty mytnych zboraŭ.
Aŭtamabili pryvozilisia ź Litvy i afarmlalisia jak časova ŭviezienyja, što nie patrabuje mytnych płaciažoŭ. U Rasii dla ich rabili techničnyja pašparty z sapraŭdnymi VIN-numarami i rehistracyjnyja znaki. Arhanizatar atrymlivaŭ usie dakumienty pa pošcie i vykarystoŭvaŭ ich dla afarmleńnia aŭtamabilaŭ, paśla čaho transpartnyja srodki bieśpieraškodna vyvozilisia ŭ inšyja krainy JEAES.
Schiema dziejničała try hady, a ahulnaja suma nieapłačanych płaciažoŭ skłała 500 tysiač rubloŭ. Na terytoryi Biełarusi ŭžo kanfiskavali 5 takich aŭtamabilaŭ.
Arhanizatara ŭrešcie zatrymali ŭ horadzie Uzda. Kryminalnuju spravu zaviali pa častcy 2 artykuła 231 Kryminalnaha kodeksa Biełarusi, maksimalnaje pakarańnie pa jakoj — abmiežavańnie voli da šaści hadoŭ. Ciapier praciahvajucca pravierki dla vyjaŭleńnia ŭsich udzielnikaŭ schiemy.
Čytajcie taksama:
Z 22 studzienia ŭ Biełaruś možna budzie biaspošlinna ŭvozić elektramabili
Za hod u Biełaruś možna budzie ŭvieźci 20 tysiač «ilhotnych» elektramabilaŭ
Hramadzianin Francyi sprabavaŭ uvieźci ŭ Biełaruś pistalet
U Biełarusi pradajuć «bandyckuju» BMW 1990 hoda vypusku za šalonyja hrošy. Pišuć, što aŭto ź Japonii