Dzie była źnikłaja Jana ŭ svoj apošni dzień i dzie jaje znajšli KARTA

Źnikłuju ŭ Minsku 21‑hadovuju Janu Kastrankovu šukali amal dva tydni.

Karta miescaŭ, dzie apošni raz bačyli Janu i dzie znajšli jaje cieła. Kałaž: «Naša Niva»

Suviaź ź dziaŭčynaj źnikła 30 śniežnia 2025 hoda. Jana žyła ŭ «Majaku Minska».

Maci Jany pisała ŭ sacsietkach, što apošni raz telefon jaje dački byŭ zafiksavany ŭ toj dzień a 18:27 pobač z parkam Čaluskincaŭ. Žančyna kazała, što razmaŭlała z dačkoj u dzień źniknieńnia pryblizna a 14:30. Taja kazała, što, imavierna, pryjdzie da baćkoŭ sustrakać Novy hod.

Dziakujučy haradskim kamieram atrymałasia vyśvietlić tolki toje, što a 16:30 Jana zachodziła ŭ «Dana Moł», a paśla sustrakałasia z žančynaj la mietro «Uručča». Taja žančyna była ŭładalnicaj kvatery, jakuju Jana chacieła arandavać, ale pieradumała — la mietro žančyna viarnuła joj zadatak.

Ckrynšoty videa z kamier nazirańnia, vykładzienaha ŭ sacsietki. Źniata jano 30 śniežnia kala 14.00. Jana zachodzić u padjezd svajho doma (vuł. K. Turaŭskaha, 14).

12 studzienia ŭ vadajomie Ślapianskaj vodnaj sistemy znajšli cieła dziaŭčyny. U zahinułaj apaznali Janu.

Jak akazałasia, cieła dziaŭčyny znajšli ŭ vadzie prykładna za adzin kiłamietr ad parka Čaluskincaŭ, dzie jaje telefon zafiksavali apošni raz.

Jana Kastrankova. Fota ź jaje sacsietak

21‑hadovaja Jana Kastrankova, miarkujučy z sacsietak, pracavała fatohrafkaj. Heta dačka Juryja Kastrankova, dyrektara AAT «Ahra-Laskavičy» (haspadarka ŭvachodzić u strukturu Kiraŭnictva spraŭ prezidenta). Juryja pryznačyli na pasadu letaś u lutym 2025 hoda. Paru miesiacaŭ tamu jon davaŭ spravazdaču Łukašenku, jaki vyrašyŭ naviedać ahrakompleks va ŭzornym ahraharadku ŭ Pietrykaŭskim rajonie.

Kamientary da artykuła