Frystajlistka Hanna Huśkova zavajavała licenziju na Zimovuju Alimpijadu
Biełaruska ŭziała ŭdzieł u svaim trecim u siezonie etapie Kubka śvietu pa łyžnaj akrabatycy ŭ frystajle. U amierykanskim Łejk-Płesidzie jana stała dziaviataj.
Taksama dziaviataj Hanna była na papiarednim etapie, jaki taksama prajšoŭ u Łej-Płesidzie i dziaviataj na etapie ŭ Kitai.
U Huśkovaj jość licenzija na Zimovuju Alimpijadu, jakaja projdzie z 6 da 21 lutaha ŭ Miłanie i Karcinie d'Ampiecy.
Paśla poŭnamaštabnaha ŭvarvańnia Rasii va Ukrainie ŭ lutym 2022 hoda rasijskija i biełaruskija spartoŭcy ŭ šerahu vidaŭ sportu (chakiej, bijatłon, frystajł) byli adchilenyja ad mižnarodnych spabornictvaŭ, i spačatku zdavałasia, što biełarusy zbolšaha prapuściać Zimovuju Alimpijadu.
Ale ŭ śniežni šaściora biełaruskich i troje rasijskich spartoŭcaŭ atrymali status niejtralnych udzielnikaŭ, taki dazvoł dała Mižnarodnaja fiederacyja łyžnaha sportu, jakaja kuryruje frystajł, łyžnyja honki, ale nie bijatłon, i harnałyžny sport.
Ale, kab trapić na Hulni, treba było prajści kvalifikacyjnyja spabornictvy, trapić u 22 najmacniejšych, a etapaŭ Kubku śvietu ŭ frystajle zastavałasia try.
U hienieralnaj kłasifikacyi Hanna spyniłasia na 19‑j pazicyi, a pieramohu ŭ ahulnym zaliku atrymała kitajanka Siuj Mentaa.
***
Pačynajučy z 1998 hoda biełaruskija frystajlisty pryvodzić ź Zimovych Alimpijadaŭ miedali — usiaho vosiem, u tym liku čatyry załatyja.
Na apošniaj Alimpijadzie ŭ Piekinie ŭ 2022 hoda Hanna Huśkova ŭziała srebra, a ŭ 2018‑m ŭ Pchiončchanie jana vyjhrała zołata.
Na Alimpijadzie ŭ Italii finał pa łyžnaj akrabatycy pavinien prajści 18 lutaha.
Biełaruskija mužčyny-frystajlisty na Alimpijadu nie prabilisia