Cikavyja detali pra finał sieryjała «Vielmi dziŭnyja spravy»
31 śniežnia skončylisia «Vielmi dziŭnyja spravy» (Stranger Things) — kultavy sieryjał ad Netflix raściahnuŭsia na dzieviać hadoŭ. Pry hetym nie ścichajuć žarści nakont apošniaha siezona prajekta. A niekatoryja fanaty čakajuć «sapraŭdnaha» finała.
Kadr ź sieryjała
Abureńnie fanataŭ źviazanaje z dakumientałkaj pad nazvaj One Last Adventure: The Making of Stranger Things 5. Dvuchhadzinny film pra toje, jak zdymali apošni siezon sieryjała, vyjšaŭ na Netflix 12 studzienia.
Kadry z toj dakumientałki raźlacielisia pa sacsietkach. Na adnym ź ich bačny naŭtbuk u pakoi scenarystaŭ, i pilnyja fanaty ŭhledzieli na im ŭkładki z adkrytym ChatGPT i z sacsietkaj Reddit. Heta vyklikała čutki pra toje, što scenar pisali nie samastojna — maŭlaŭ, niedzie dapamahaŭ ChatGPT, a niedzie i aryjentavalisia na idei karystalnikaŭ Reddit, kali nie kapiravali ich. Adznačym, što dokazaŭ hetaha niama.
Jašče adna navina z dakumientałki: zdymki apošniaha siezona pačalisia jašče da taho, jak stała zrazumieła, jak musić skončycca sieryjał. Bolš za toje, rašeńnie pra kancoŭku pryniali paśla taho, jak źniali niekatoryja sceny z apošniaj sieryi.
Dziŭnyja kadry z dakumientałki — daloka nie pieršaja pretenzija hledačoŭ da sieryjała. Apošniaja sieryja nastolki im nie spadabałasia, što fanaty paličyli jaje falšyvaj i čakali vychadu «sapraŭdnaha» finalnaha epizoda.
Čytajcie taksama:
Vychodzić finał kultavaha sieryjała «Vielmi dziŭnyja spravy». Hledačy abrynuli Netflix