Na biełaruskaj čyhuncy złamaŭsia čarhovy ciahnik

13 studzienia Biełaruskaja čyhunka paviedamiła pra čarhovuju pałomku pasažyrskaha ciahnika, u vyniku čaho jon spaźniŭsia na 1 hadzinu 10 chvilin. U kampanii nie ŭdakładnili padrabiaznaści, abmiežavaŭšysia ahulnym formuloŭkaj «techničnyja pryčyny».

Zdymak ilustracyjny. Fota: «Naša Niva»

Havorka idzie pra ciahnik №6661, jaki kursiruje pamiž Połackam i Bihosavam: adpraŭleńnie z Połacka — 9:46, prybyćcio na stancyju Bihosava — 11:23. Biełaruskaja čyhunka abiacała pryniać «apieratyŭnyja miery» dla skaračeńnia času zatrymki i paprasiła prabačeńnia ŭ pasažyraŭ.

Apošnim časam BČ niaredka paviedamlaje pra zatrymki ciahnikoŭ. Naprykład, 9 studzienia pryčynaj była niepahadź — śniežny cykłon «Uli». U inšyja ž dni zatrymki byli źviazanyja z techničnymi prablemami:

• 7 studzienia spyniŭsia ciahnik №51 Sankt-Pieciarburh — Brest;
• u kancy kastryčnika 2025 hoda ŭźnikli prablemy ŭ ciahnika №636 Brest — Minsk;
• u siaredzinie kastryčnika zatrymaŭsia ciahnik №302 «Adler — Minsk».

Raniej z haradskich linij źniali sučasnyja ciahniki Stadler.

Kamientary da artykuła