U Tajłandzie budaŭničy kran upaŭ na pasažyrski ciahnik. Zahinuli prynamsi 22 čałavieki
Chutkasny pasažyrski ciahnik u Tajłandzie syšoŭ z rejek paśla taho, jak na jaho ŭpaŭ budaŭničy kran, paviedamlajuć infarmacyjnyja ahienctvy.
Pradstaŭnik miascovaj palicyi paviedamiŭ ahienctvu AFP, što ŭ vyniku zdareńnia zahinuli prynamsi 22 čałavieki, a bolš za 30 atrymali ranieńni.
Palicyja paviedamiła Reuters, što kran, jaki vykarystoŭvaŭsia dla budaŭnictva chutkasnaj čyhunačnaj linii, abrynuŭsia na ciahnik i zahareŭsia; pažar byŭ chutka patušany.
Incydent adbyŭsia ŭ akruzie Sichijo ŭ pravincyi Nakchonratčasima. Paciarpieły ciahnik nakiroŭvaŭsia ŭ pravincyju Ubanratčatchani.