U Biełarusi zabaranili niekalki vidaŭ rasijskaj «niezamiarzajki»
U Biełarusi zabaranili ŭvoz i prodaž niekalkich vidaŭ rasijskich niezamiarzajučych vadkaściaŭ dla abmyvańnia šybaŭ aŭtamabila. Pavodle paviedamleńnia Ministerstva achovy zdaroŭja, hetyja pradukty mohuć być niebiaśpiečnymi dla žyćcia i zdaroŭja.
Zdymak ilustracyjny
Pad zabaronu trapili try pradukty kampanii «Chimpartnior»: «Śniežnaja daroha» (-30°C), «Zimovaja višnia» (-30°C) i «Śniežnaja karaleva Darja» (-30°C). Akramia taho, zabaranili taksama «niezamiarzajki» Gleid Clean Effect (vyrab TAA «Hryf»), FREEDOM (vyrab TAA «Miehapolis») i «Ledarub» (vyrab TAA «Vaj Aŭta Chim»).
Ministerstva raić nie kuplać škłoamyvalnyja vadkaści ŭ nieviadomych miescach prodažu i ŭvažliva čytać infarmacyju na etykietcy: na joj pavinny być paznačanyja vytvorca, jaho adras, termin prydatnaści i pryznačeńnie — tolki dla transpartnych srodkaŭ, zhodna z techničnymi ŭmovami. Taksama ŭ vadkaści pavinna być nie bolš za 0,05% mietanołu pa abjomie.
U Minzdaroŭja taksama adznačyli, što ŭ sietkach kramaŭ možna sustreć inšyja antyabledzianialnyja i supraćhałalodnyja vadkaści. Ich nielha vykarystoŭvać jak škłoamyvalnyja, bo jany źmiaščajuć mietyłavy śpirt, a ŭpakoŭka moža vyhladać padobna da zvyčajnych «niezamiarzajek».
Čytajcie taksama:
U Biełarusi stali zabaraniać knihi vydaviectva «Umka»
U Biełarusi zabaranili antypierśpirant Rexona
Pryznali niebiaśpiečnymi dla zdaroŭja špiki, vyrablenyja cemientnym zavodam