Jašče adnaho bajca Pałka Kalinoŭskaha zavočna asudzili ŭ «DNR»
Viarchoŭny sud samaabvieščanaj «Danieckaj narodnaj respubliki» zavočna prysudziŭ 41‑hadovaha hramadzianina Biełarusi Ivana Tamaševiča da 13 hadoŭ pazbaŭleńnia voli ŭ kałonii strohaha režymu.
Ivan Tamaševič
Ivana Tamaševiča pryznali vinavatym pavodle č. 3 art. 359 KK RF — udzieł najmita va ŭzbrojenym kanflikcie. Jaho abviaścili ŭ mižnarodny vyšuk, a ŭ jakaści miery strymańnia zavočna vybrali ŭtrymańnie pad vartaj.
Pavodle materyjałaŭ suda, u sakaviku 2022 hoda Tamaševič prybyŭ va Ukrainu i dobraachvotna dałučyŭsia da Pałka imia Kastusia Kalinoŭskaha, jaki ŭ Rasii ličycca «terarystyčnaj arhanizacyjaj». Paśla prachodžańnia vajskovaj padrychtoŭki jaho zabiaśpiečyli ahniastrelnaj zbrojaj, bojeprypasami, amunicyjaj i śpiecyjalnym ryštunkam. Paśla hetaha Tamaševič, jak śćviardžajecca, udzielničaŭ u bajavych dziejańniach suprać Uzbrojenych sił Rasijskaj Fiederacyi na terytoryi «DNR» da vieraśnia 2023 hoda.
Čytajcie taksama:
Sud «DNR» zavočna prysudziŭ bajca Pałka Kalinoŭskaha da 13,5 hoda kałonii
Połk Kalinoŭskaha ŭklučyli ŭ rasijski śpis «terarystaŭ i ekstremistaŭ»
U «DNR» biełaruskaha dobraachvotnika zavočna prysudzili da 14 hadoŭ źniavoleńnia
Sud u «DNR» zavočna prysudziŭ biełaruskaha dobraachvotnika Jana Dziurbiejku da 14 hadoŭ kałonii