Ramzan Kadyraŭ vykłaŭ «kansiervu» sa svaim synam, kab schavać jaho ciažki stan
Kiraŭnik Čačni Ramzan Kadyraŭ apublikavaŭ u svaim Telegram videa z udziełam 18‑hadovaha syna Adama paśla paviedamleńniaŭ pra jaho špitalizacyju ŭ vyniku ciažkoha DTZ u Hroznym.
Adam Kadyraŭ na naradzie. Fota: t.me / RKadyrov_95
Na videa Adam Kadyraŭ, jaki zajmaje pasadu sakratara Rady biaśpieki Čačni, udzielničaje ŭ naradzie ź siłavikami pa pytańniach padrychtoŭki da vybaraŭ, a ŭ kancy rolika jaho ŭznaharodžvajuć miedalom «za zasłuhi ŭ pavyšeńni biaśpieki» Zaparožskaj AES.
Adnak analiz mietadanych, praviedzieny rasijskimi apazicyjnymi ŚMI, pakazaŭ, što videa było zmantavana 15 studzienia, za dzień da avaryi. Infarmacyja ž pra DTZ i špitalizacyju Adama źjaviłasia na dzień paźniej, 16 studzienia. Nakolki viadoma, paśla avaryi jaho dastavili ŭ respublikanskuju balnicu Hroznaha ŭ ciažkim stanie.
Dalej, pa danych resursa Flightradar, u noč na 17 studzienia z Hroznaha ŭ Maskvu vylecieŭ sanitarny samalot MNS, vierahodna, dla transpartavańnia paciarpiełaha, a śledam — asabisty samalot Ramzana Kadyrava, jaki znachodziŭsia ŭ Dubai.
Aficyjnaj infarmacyi pra stan zdaroŭja Adama Kadyrava pakul niama, adnak niekatoryja krynicy śćviardžajuć, što jon u ciažkim stanie znachodzicca ŭ dziaviatym chirurhičnym korpusie Botkinskaj balnicy Maskvy.
Čytajcie taksama:
Syn Ramzana Kadyrava trapiŭ u ciažkuju avaryju
U Kadyrava pierastali pracavać nyrki, Kreml šukaje novaha kiraŭnika Čačni — HUR