«Ekstremistam» aficyjna zabaranili pracavać ź dziećmi
Z 17 studzienia ŭ Biełarusi pačali dziejničać asobnyja pałažeńni zakona № 86‑Z «Ab źmianieńni zakonaŭ pa pytańniach zabieśpiačeńnia pravoŭ dziaciej». Dakumient istotna ŭzmacniaje kantrol za kadrami ŭ śfiery adukacyi i vychavańnia, a taksama ŭskładaje novyja abaviazki na baćkoŭ i najmalnikaŭ.
Ciapier asoby, jakija majuć sudzimaść pa «ekstremisckich» artykułach, aficyjna pazbaŭlajucca prava zajmacca piedahahičnaj dziejnaściu. Tut ich pryraŭniali da tych, chto asudžany za narkotyki.
Najmalniki abaviazanyja pravodzić psichałahičnyja hutarki jak z kandydatami, tak i z tymi, chto ŭžo pracuje ź dziećmi.
Zakon taksama zakranaje infarmacyjnuju prastoru vakoł niepaŭnaletnich. Na baćkoŭ ciapier uskładzieny pramy abaviazak abaraniać dziaciej ad «škodnaj infarmacyi» ŭ internecie. Dziaržaŭnyja orhany, u svaju čarhu, pavinny kansultavać baćkoŭ i apiekunoŭ, jak mienavita heta rabić.