Na MKAD sutyknulisia try aŭtamabili
Avaryja adbyłasia praź niezachavańnie biaśpiečnaj dystancyi, paviedamlaje minskaja DAI.
Dniom 19 studzienia 22‑hadovy kiroŭca hruzavika «HAZiel», ruchajučysia pa ŭnutranym kalcy MKAD kala 8‑ha kiłamietra, praź niezachavańnie naležnaj dystancyi sutyknuŭsia z aŭtamabilem Volkswagen, jaki ruchaŭsia ŭ tym ža kirunku. Ad udaru Volkswagen adkinuła na hruzavik Mercedes, jaki stajaŭ na ŭzbočynie.
43‑hadovy kiroŭca Volkswagen dastaŭleny ŭ miedycynskuju ŭstanovu dla ahladu.
Na hety momant ruch pa hetym učastku darohi adnoŭleny.