Pad Maskvoj pakryŭdžany tadžyk zarezaŭ skincheda, jaki čaplaŭsia da pasažyraŭ aŭtobusa
Skinched ź siabrami-nieanacystami zalili jaho z hazavaha bałončyka, tamu tadžyk pajšoŭ pa dapamohu da dahiestanca. Razam jany adpomścili.
Ivan «Kvas» ź siabrami pakazvajuć nieprystojnyja žesty pasažyram aŭtobusa
U rasijskim Padmaskoŭi adbyŭsia mižnacyjanalny kanflikt sa śmiarotnym vynikam.
Historyja pačałasia ŭ aŭtobusie ŭ rajonie Frazina. Hrupa maładych skinchedaŭ čaplałasia da pasažyraŭ. Chłopcy pakazvali ludziam siaredni palec, abrazili žančynu. 19‑hadovy tadžyk Imamali Turdzijeŭ, supracoŭnik składa Wildberries, zrabiŭ im zaŭvahu i prapanavaŭ vyjści pahavaryć.
Razmova nie atrymałasia.
Adnak Turdzijeŭ vyrašyŭ, što kanflikt nie skončyŭsia, tamu pajšoŭ pa dapamohu. Jon paklikaŭ z saboj siabra-dahiestanca, a zaadno ŭziaŭ nož.
Kali jany znajšli na prypynku tuju hrupu kryŭdzicielaŭ, pačałasia bojka.
Skinchedy raspylili hazavyja bałončyki i strelnuli ŭ bok apanientaŭ ź sihnalnaha pistaleta. Paśla hetaha pasprabavali sieści ŭ aŭtobus, kab źjechać. Turdzijeŭ dahnaŭ adnaho sa skinchedaŭ i ŭdaryŭ nažom u šyju i ŭ cieła. 18‑hadovy Illa, viadomy ŭ nieanacysckich kołach pad mianuškaj «Kvas», pamior u sałonie aŭtobusa.
Ciapier tadžyka aryštavali za zabojstva, spravu ŭziaŭ na kantrol kiraŭnik Śledčaha kamiteta Rasii Alaksandr Bastrykin.