Rabotnika «Mazyrsoli» asudzili na čatyry z pałovaj hady pa spravie Hajuna
U Homielskim abłasnym sudzie razhladali kryminalnuju spravu suprać palitviaźnia Alaksandra Hierasimienki. Mužčynu abvinavačvali pa spravie Hajuna (sadziejničańnie ekstremisckaj dziejnaści» (č. 1 art. 361‑4 KK).
Jak stała viadoma «Homielskaj viaśnie», Alaksandru pryznačyli čatyry hady i šeść miesiacaŭ pazbaŭleńnia voli. Paśla zatrymańnia ŭ mužčyny praviali vobšuk i kanfiskavali techniku.
«Viasna» z dapamohaj Biełpoła daviedałasia padrabiaznaści pra palitviaźnia. 48‑hadovy Alaksandr — uradženiec Mazyra. Žanaty i maje dźviuch niepoŭnahadovych dačok. Apošniaje viadomaje miesca pracy Alaksandra — «Mazyrsol». Da hetaha mazyranin pracavaŭ u śfiery sportu: trenieram-vykładčykam pa hrebli i namieśnikam dyrektara ŭ dziciačaj spartovaj škole.