U Hrodnie mužčyna zahinuŭ padčas sproby «prykuryć» aŭtamabil
Pra trahiedyju, jakaja adbyłasia ŭ dvary pa praśpiekcie Kupały ŭ Hrodnie, paviedamlaje sajt Newgrodno.by.
Ab trahičnym incydencie, jaki adbyŭsia ŭ horadzie, paviedamili čytačy Newgrodno.by. Infarmacyja pra heta taksama stała źjaŭlacca ŭ sacyjalnych sietkach.
«Dvary pa praśpiekcie Kupały. Pobač z mašynaj lažyć cieła mužčyny. Unutry matornaha adsieka bačnyja ślady ahniu», — adno z takich paviedamleńniaŭ.
Jak stała viadoma Newgrodno.by, trahiedyja adbyłasia, kali mužčyna sprabavaŭ zapuścić aŭtamabil — mašynu sprabavali, jak kažuć aŭtamabilisty, «prykuryć». Ale ŭ niejki momant pravodka zaiskryłasia, uzharańnie sprabavali patušyć śnieham. Ale raptam mužčyna ŭpaŭ.