Apošnim časam Emanuel Makron źjaŭlajecca na publicy ŭ ciomnych akularach. Što zdaryłasia?
Prezident Francyi Emanuel Makron apošnimi dniami amal zaŭsiody źjaŭlajecca na publicy ŭ soncaachoŭnych akularach: vidać, kab schavać pačyrvaniełaje voka. Tak, niadaŭna jon ź imi źjaviŭsia na sustrečy ŭ Jelisiejskim pałacy, pryśviečanaj budučyni Novaj Kaledonii.
Emanuel Makron u akularach. Fota: AP Photo/Markus Schreiber
«Prabačcie za hetyja akulary — heta praź nievialikuju prablemu», — cytuje prezidenta Francyi Le Parisien. Makron adznačyŭ, što ich jamu daviadziecca nasić jašče niekatory čas i paprasiŭ «ciarpieć» jaho ŭ takim vyhladzie.
20 studzienia na Suśvietnym ekanamičnym forumie ŭ Davosie jon taksama źjaviŭsia ŭ sinich akularach. Raniej, padčas navahodniaha zvarotu da francuzskaha vojska, prezident Francyi pakazaŭsia z prypuchłym i pačyrvaniełym vokam i zapeŭniŭ, što heta «zusim nie niebiaśpiečna».
Makron žartavaŭ, što jahonyja akulary možna ŭsprymać jak «mižvolnuju apielacyju da pieśni «Eye of the Tiger» amierykanskaj rok-hrupy Survivor, namiakajučy na znakamituju scenu ź filma «Roki III», u jakoj udzielničaŭ Silviestr Stałonie, i padkreślivajučy simvał rašučaści.
Čytajcie taksama:
Makron adchilić zaprašeńnie Trampa ŭvajści ŭ skład Rady miru
Tramp paabiacaŭ uvieści 200‑pracentny taryf na francuzskija viny
Makron: Dźvie traciny raźviedvalnaj infarmacyi dla Ukrainy ciapier zabiaśpiečvaje Francyja
U Francyi vynieśli prysud pa spravie ab ckavańni Bryžyt Makron