Makron u Davosie: Meta ZŠA — asłabić i padparadkavać Jeŭropu

Prezident Francyi Emanuel Makron vystupiŭ na Suśvietnym ekanamičnym forumie ŭ Davosie, dzie zaklikaŭ Jeŭropu abaraniać svaje intaresy i nie prymać «zakon macniejšaha». Jon asudziŭ usio bolš žorstkuju kankurencyju z boku ZŠA, śćviardžajučy, što jaje meta — «asłabić i padparadkavać Jeŭropu», paviedamlaje Euronews.

Emanuel Makron padčas vystupleńnia ŭ Davosie. Fota: AP Photo/Markus Schreiber

Makron, jaki źjaviŭsia na forumie ŭ avijatarskich akularach praz prablemy z vokam, zaklikaŭ Jeŭropu aktyŭna vykarystoŭvać najaŭnyja instrumienty dla abarony svaich intaresaŭ i raźvivać inavacyi i pryvatnyja inviestycyi ŭ klučavych siektarach. Jon adznačyŭ, što 2025 hod byŭ poŭny kanfliktaŭ, što kanflikty stali zvyčajnaj normaj, a stabilnaść i pradkazalnaść u śviecie siońnia — chutčej vyklučeńnie.

Vystupleńnie prezidenta Francyi prachodziła na fonie napružanych adnosin z ZŠA. Raniej Makron admoviŭsia ŭdzielničać u amierykanskaj inicyjatyvie «Rada miru pa Hazie», što vyklikała pahrozy Donalda Trampa ŭvieści 200% myty na francuzskija viny i šampanskaje. U adkaz pradstaŭniki Jelisiejskaha pałaca adznačyli, što takija miery nie źjaŭlajucca rašeńniem hłabalnych prablem i padkreślili važnaść stratehičnaj aŭtanomii Jeŭropy.

Makron taksama zaklikaŭ da ŭzmacnieńnia vajskovaj prysutnaści Francyi ŭ Arktycy i paćvierdziŭ płany pavialičyć vajskovyja vydatki da 36 miljardaŭ jeŭra na 2026—2030 hady. Jon padkreśliŭ, što «kab zastavacca volnymi, treba być mocnymi, i kab ciabie bajalisia, treba być mocnym», a ŭ hetym žorstkim śviecie nieabchodna dziejničać chutka i rašuča.

Vystupleńnie Makrona supała z padrychtoŭkaj samitu ES i prapanavanaj im sustrečy G7 u Paryžy z udziełam ZŠA i inšych krain. 

Kamientary da artykuła