Rasijskaja rakieta SPA trapiła ŭ žyły dom u Adyhiei
Paciarpieli 11 čałaviek.
Unočy 21 studzienia adbyłasia maštabnaja ataka bieśpiłotnikaŭ u aule Novaja Adyhieja, što na miažy z Krasnadaram. Ad vybuchu paciarpieŭ šmatpaviarchovy žyły dom.
Na miescy prylotu ŭspychnuŭ mahutny pažar, jaki pierakinuŭsia na parkoŭku: ahoń źniščyŭ 15 aŭtamabilaŭ, jašče 25 mašyn paškodžanyja.
Kiraŭnik respubliki Murat Kumpiłaŭ paviedamiŭ, što ranieńni atrymali 11 žycharoŭ doma. Dzieviać čałaviek, siarod jakich dvoje dziaciej, špitalizavanyja.
U rajonie ŭviali režym nadzvyčajnaj situacyi, a ludziej, jakija zastalisia biez žytła, časova raźmiaścili na bazie adpačynku.
Aficyjnaja viersija rasijskich uładaŭ tradycyjnaja — na dom nibyta ŭpaŭ źbity bieśpiłotnik.
Adnak vajennyja analityki i vydańnie ASTRA, praanalizavaŭšy videa momantu prylotu, nastojvajuć na inšym: u šmatpaviarchovik paceliła rasijskaja rakieta SPA. Na kadrach bačny charakterny chutki pralot i trajektoryja snarada, jaki lacić dakładna ŭ budynak.
Hetaja noč stała adnoj z samych maštabnych pa kolkaści vykarystanych dronaŭ. Minabarony Rasii zajaviła pra 75 źbitych BPŁA, pryčym bolš za pałovu ź ich — nad Krasnadarskim krajem.