Hramadzianka Indyi, jakaja zachrasła ŭ Biełarusi, zaŭtra vylecić na radzimu
Hramadzianka Indyi Mina Džošy, jakaja apynułasia ŭ Biełarusi biez pracy i hrošaj, vylecić u Deli zaŭtra, 23 studzienia.
Ahient, ź jakim supracoŭničała žančyna, kupiŭ joj zvarotny bilet. Jana prylacić u Deli rejsam «Biełavija», pišuć indyjskija miedyja, zaŭvažyŭ Reform.news.
Jak raspaviała Džošy, jana pajechała ŭ Biełaruś praz ahienta. Joj abiacali pracu na ŭpakoŭcy sadaviny, ale na miescy vyśvietliłasia, što jana pavinna prybirać chleŭ.
Žančyna prapracavała ŭ takich umovach tydzień, a potym vyrašyła viarnucca dadomu, adnak nie mahła źviazacca z ahientam.
Paśla hetaha žančyna zapisała rezanansnaje videa, u jakim raspaviała, što nie atrymała abiacanaj pracy i zarobku, žyvie ŭ karoŭniku i nie moža viarnucca ŭ Indyju praz adsutnaść hrošaj. Pra situacyju napisali indyjskija i biełaruskija ŚMI.
MUS Biełarusi nazvała infarmacyju pra hramadzianku Indyi fejkavaj. U MUS patłumačyli, što ŭ listapadzie žančyna atrymała pracu i dazvoł na časovaje pražyvańnie, ale praz 8 dzion skasavała kantrakt, što pryviało da anulavańnia dazvołu. Paśla hetaha jana vyjazdžała ŭ Rasiju, ale viarnułasia ŭ Biełaruś. MUS paabiacała pravieści pravierku i dać pravavuju acenku dziejańniam pasrednikaŭ i najmalnikaŭ.