Cana na zołata ŭpieršyniu ŭ historyi nabliziłasia da 5000 dalaraŭ
U piatnicu košt zołata nabliziŭsia da ŭzroŭniu $5 tysiač za uncyju, śviedčać danyja tarhoŭ na biržach.
Ilustracyjnaje fota Osaka / Wayne Studio / Getty Images
Na 10:00 pa minskim časie zołata tarhavałasia na ŭzroŭni $4966 na uncyju. Potym pačałosia źnižeńnie, i pa stanie na 11:00 cana składaje 4942 dalary.
Na hetym tydni ŭ aŭtorak fjučarsy na zołata z pastaŭkaj u lutym 2026 hoda ŭpieršyniu pierasiahnuli ŭzrovień $4,7 tys. za trojskuju uncyju, potym 4800 i 4900 dalaraŭ.
Pa mierkavańni analitykaŭ, zołata praciahvaje daražeć na fonie rostu popytu na aktyvy ŭ kantekście situacyi vakoł Hrenłandyi.
U 2025 hodzie zołata pakazała najbolšy rost za bolš čym 60 hadoŭ — jaho košt vyras na 64%.