25 studzienia prezidenty źbiarucca ŭ Vilni ŭšanavać pamiać Kastusia Kalinoŭskaha
A zaŭtra, 24 studzienia, uskładańnie viankoŭ z udziełam Śviatłany Cichanoŭskaj adbudziecca ŭ Varšavie.
Archiŭnaje fota: Śviatłana Cichanoŭskaja ŭskładaje vianok na mohiłkach Rosa. Fota OSC
25 studzienia, u niadzielu, Vilniu naviedajuć prezidenty Ukrainy Uładzimir Zialenski i Polščy Karal Naŭrocki. Razam z prezidentam Litvy Hitanasam Naŭsiedam jany voźmuć udzieł u pamiatnych mierapryjemstvach. Nahoda dla sustrečy na vyšejšym uzroŭni — hadavina Paŭstańnia 1863—1864 hadoŭ. Heta nie prosta pratakolny vizit, a simvaličny žest, jaki padkreślivaje adzinstva troch nacyj.
Mienavita ŭ Vilni, na Łukišskaj płoščy, byli pakaranyja śmierciu lidary paŭstańnia, u tym liku biełaruski nacyjanalny hieroj Kastuś Kalinoŭski. U 2019 hodzie ich cudam, u vyniku apoŭźnia na hary Hiedymina, znojdzienyja pareštki byli ŭračysta pierapachavanyja ŭ kaplicy na mohiłkach Rosa.
U kaplicy, dzie spačyvajuć pareštki paŭstancaŭ. Fota: Naša Niva
24 studzienia ŭskładańnie viankoŭ pamiaci projdzie i ŭ Varšavie. Miarkujecca, što ŭ im voźmuć udzieł prezidenty Naŭrocki i Naŭsieda, a taksama Śviatłana Cichanoŭskaja.
Imia Kastusia Kalinoŭskaha nosić połk biełaruskich dobraachvotnikaŭ va Ukrainie.