Ź lipienia možna budzie papaŭniać rachunki pa numary telefona
U Biełarusi ź lipienia źjavicca mahčymaść papaŭniać bankaŭski rachunak praz ARIP pa numary mabilnaha telefona. Adpaviednyja źmieny ŭniesienyja ŭ instrukcyju ab paradku akazańnia płaciežnych pasłuh.
Kab papoŭnić rachunak pa numary telefona, nieabchodna budzie viedać sam numar mabilnaha telefona, a taksama spatrebicca zhoda atrymalnika na vykarystańnie numara telefona dla ažyćciaŭleńnia apieracyj u ARIP, paviedamlaje Nacbank.
«Kali ŭ atrymalnika jość niekalki rachunkaŭ u adnym banku, jon sam abiare, na jaki ź ich buduć zaličvacca hrašovyja srodki pry papaŭnieńni pa numary telefona. Heta dadatkovaja mahčymaść. Jak i raniej, možna budzie karystacca zvykłymi rekvizitami: IBAN, danymi karty, numaram damovy i h.d.», — paviedamlaje hałoŭnaja finansavaja ŭstanova krainy.
Źmieny ŭstupiać u siłu z 25 lipienia 2026 hoda. Bankam nieabchodny čas, kab abnavić svaje sistemy.