U Smarhonskim rajonie pjany mužčyna pasadziŭ za rul syna-padletka, a toj trapiŭ u avaryju
15‑hadovy chłopiec vioz dadomu svajho pjanaha baćku i trapiŭ u darožna-transpartnaje zdareńnie. U vyniku sud pakaraŭ mužčynu dvuma z pałovaj hadami abmiežavańnia voli z nakiravańniem u papraŭčuju ŭstanovu adkrytaha typu («chimija»), paviedamlaje prakuratura Hrodzienskaj vobłaści.
Zdymak ilustracyjny
Jak paviedamlaje prakuratura Hrodzienskaj vobłaści, žychar Smarhonskaha rajona, znachodziačysia ŭ niećviarozym stanie, dazvoliŭ svajmu niepaŭnaletniamu synu sieści za rul. U mašynie taksama jechali jašče dvoje pjanych znajomych mužčyn u jakaści pasažyraŭ. Incydent adbyŭsia ŭ žniŭni 2025 hoda.
Na hravijnaj darozie padletak nie spraviŭsia z kiravańniem: aŭtamabil źjechaŭ u kiuviet i ŭrezaŭsia ŭ drevy. U vyniku avaryi adzin z pasažyraŭ atrymaŭ ciažkija cialesnyja paškodžańni.
U dačynieńni da baćki kiroŭcy raspačali kryminalnuju spravu za toje, što jon dapuściŭ da kiravańnia transpartnym srodkam asobu biez prava kiravańnia, što pryviało da surjoznych nastupstvaŭ.
Sud pazbaviŭ mužčynu pravoŭ na kiravańnie na piać hadoŭ i pryznačyŭ jamu 2,5 hoda «chimii». Prysud byŭ abskardžany, adnak sud vyšejšaj instancyi pakinuŭ jaho bieź źmienaŭ.
Čytajcie taksama:
Viaskoviec schapiŭ u susieda daražezny nož i kinuŭsia naŭcioki