Sinhł biełaruskaha hurta Molchat Doma atrymaŭ «załaty» status u ZŠA
Sinhł «Sudno» pieravysiŭ 500 000 kopij
Minski postpank-hurt Molchat Doma vykłaŭ videa «raspakoŭki» aficyjnaha dypłoma ad Amierykanskaj asacyjacyi hukazapisvalnych kampanij (RIAA) — siertyfikata, jaki paćviardžaje «załaty» status ich sinhła ŭ Złučanych Štatach, piša reform.news.
Sinhł «Sudno» pieravysiŭ 500 000 kopij, pradadzienych u Złučanych Štatach, što dazvoliła hurtu atrymać załaty dysk ad RIAA.
Kampazicyja «Sudno» vyznačajecca zmročnym miełanchaličnym vajbam i apisvaje pamirańnie čałavieka ŭ balnicy. Heta kavier vierša «Emalavanaje sudna» ruskaha paeta Barysa Ryžaha, jaki skončyŭ žyćcio samahubstvam va ŭzroście 26 hadoŭ.