Rybaki vyratavali ŭ Pastaŭskim rajonie redkuju ptušku
Ptušku dastavili ŭ biaśpiečnaje miesca, paviedamili ŭ Viciebskim abłasnym kamitecie pryrodnych resursaŭ i achovy navakolnaha asiarodździa.
23 studzienia adzin z rybakoŭ na voziery Hłodava ŭ Pastaŭskim rajonie zaŭvažyŭ vialikuju ptušku, jakaja ŭpała na lod. Jon adrazu paviedamiŭ pra heta ŭ rajonnuju inśpiekcyju pryrodnych resursaŭ. Kamisija, jakaja prybyła na miesca, identyfikavała ptušku jak vialikaha buhaja — redki vid, zaniesieny ŭ Čyrvonuju knihu Biełarusi.
Ahlad vieterynara pakazaŭ, što najbolš vierahodnaj pryčynaj padzieńnia stali mocnaje pieraachaładžeńnie i źniasileńnie. Dla vyratavańnia ptušcy terminova byli patrebnyja ciapło, spakoj i śpiecyjalnaje karmleńnie. Śpiecyjalisty źviazalisia z adnoj z pryrodaachoŭnych ustanoŭ, jakaja pahadziłasia pryniać buhaja.
Ptušku apieratyŭna źmiaścili ŭ ciopłaje pamiaškańnie i nakarmili śviežaj rybaj. Paśla akazańnia pieršaj dapamohi jaje pieradali dla dalejšaj reabilitacyi, a paźniej transpartavali ŭ Minsk.